ياجدعان عتريس ده كان طيب قوي ومكنش برم ولاصايع ولا بلطجي ده كان بياخد حقه بس بطريقته اللي اتربي عليها واعتقد ان كل واحد حر ياخد حقه بالطريقه اللي يحب ياخد بيها حقه ولا انتا مش ديمقراطي ياعموووووووووووووونا وبعدين صدقوني انا بحسد عتريس علي طوله باله علي البلد اللي كان عايش فيها مني منه كنت نفختهم وعرفت اقلبهم كويس واحد لمض يقولي ازاي يعني اقولك انا ازاي كنت هاجي جنب الهويس اللي فتحته اللي تنقطع ايديها وافتح لي سنترال صغير وابيع الكارت ابو عشره بعشره خمسه وسبيعين واللي ميشتريش مني اجيبه ادم كل الناس برضه جنب الهويس علشان مسبش مكان اكل عيشي واوقفه واقول له رن عليا وافتح عليه قدام ابوه وامه وكل الناس واضيع له رصيده وهوه الرجل مننا ايه غير رصيد ياموعلمين والراجل مش بس بكلمته الراجل بموبيلاته ورنته
غير كده في كذا طريقه تانيه ممكن اكل بيها عيش علي قفي ولاد الذينا دول
ملحوظه
واخير ياناس سيبو كل عتريس في حاله ومتخلهوش يبقي عتريس وترجعو تقولو بص شوفو اللي كان زمااااااااااااااااان ايه دلوقتي بقي ايه
اه صحيح اجه كنا خدناها زمان في تالته اول وهيه تعريف البيئه والبيئه هي كل مايحيط بالانسان من عوامل طبيعه خارجيه وداخليه وصناعيه وكل حاجه حلوه وكويسه وكل حاجه رخمه وغبيه تؤثر فيه ويؤثر فيها
والبقيه في حياتكم
