مساء الفل يابشريه والحمد لله انا رجعت وبعد فتره غياب يعني كله يطلع علي الرصيف ووسعو الطريق واللي هناك فوق انزل من علي المسرح يانجم وادي الحديده لحد تاني غيرك المهم نيجي لزتونه موضعنا الا وهيه كنت فين يامدهول وايه اللي عمل فيك كده وده طبعا اللي قالته ليا مرايه الحمام بتعنا لما بصيت فيها وانا بحاول اسايس السخان الرخم علشان يوافق انه يجيب ميه سخنه وفي النهايه السخان اقنعني انه كان نفسه يطلع فريزر وابوه ضغط عليه وقله يحمار خليك سخان احسن قام طلع سخان وفشل انا قلتله معلش واتفقت معاه اني احاول اشوف له شغلانه فريزر في اي تلاجه اعرفها لابجد بقي قولي كنت فين كل ده واللي بيسئل المره دي قصافه ضوافري مش مهم مين اللي بيسئل المهم ان انا اللي هقول في الكام يوم اللي فاتو كان معاد اجازتي 23/12/2010وكنت مستعجل علي الاجازه دي علشان اودع واحد صحبي مسافر السعوديه شغل فاكرك يامعلم جدي مش ناسيك الا وهوه ميخا المهم مديري المباشر قالي مووووووش هينفع خليك الاسبوع ده عندنا جرد يوم السبت قلت له هنزل واجي علي طول قالي خليك جدع واتلوووووووووم ولاني بحترمه قلت له ماشي واتصلت بميخا صحبي واعتزرت له ولان الصداقه مواقف والنداله دروس ميخا قدر ده كويس وعذرني ومن هوووووووونا بدانا مرحله الجرد والعد الوحد كان بينام بيحلم بيمه خمسه وتلاتين مره ومتين وعشرين مره ومره خمسميه خمسه وستون الحكايه كانت كلها ارقام وعد وررص وتنظيم وده من يوم الخميس وجه اليوم الموعود الا وهوه السبت وانعقدت اللجنه وبعد الفحص والمحص والذي منه تبين ان كل شيء ميت فل واربعتاشر والحمد لله وبعدين جه دور تقفيل كشوف الجرد وده بياخد له اسبوع يعني لحد بدايه السنه الجديده المهم الطحن كل يوم شغال من اسمنت لرمل لسن والخ جه يوم الخميس30/12/2010 وكنت فاصل جدا قلت ممكن بقي الواحد يديها الحنان ويطفي المكن ويريح الموتور بتاع جسمه حبه علشان تاني يوم هيبقي الجمعه والواحد يصحي من النوم براحته علي الساعه 8 صباحا كده ولا حاجه المهم كنت جعان وكانت عندي لعبيكه صغننه كده في شغلانه رحت حللها حل مؤقت لحد يوم السبت بقي وقلت انام ومش لازم اكل المهم النوووووووووووووووووووووووم وجريت علي السرير كانت حوالي سبعه ونص قول تمانيه المغرب والمكان فضي وبقي الموقع هس هس وهوب غرقت في النووووووووووووووم وفجاه سمعت صوت خبط جامد علي باب الكرخانه اللي بنام فيها وده الاسم اللي انا افتكسته لحجرتي المهم قمت بعد عنا شديد من دفع الغطاء عني لاني كنت متغطي بعد اتنين بطانيه ودافيان بصيت في ساعتي لقتها عشره مساء قلت مين قليل الذوق اللي جاي متاخر كده وده وقت ضيوف برضه وده كله والخبط شغال علي الباب المهم لبست شبشبي الازرق البلاستك اللي مبيعبيش ميه وده لاني عامل فيه خرم في اخره ولذلك لتصفيه المياه مزراب يعني زي اللي عندكم في البلكونه وهوووووووووب قمت من علي السرير واسمع احلي سقفه ياجدعان انا قمت من علي السريربلاش رخامه وسقفو احسن انام تاني ؟؟؟؟؟ وبعد السقفه فتحت الباب لقيت عربيه دوبل كابينه وسواق وواحد اعرفه بيشاور عليا وبيقول لهم هوده ده الاستاذ وسمعت اسمي هنا في جمله مفيده وحسيت انه هيبقي مفعول بيه او فاعل المهم انه مش هيبقي اسم وهوب امسك ياجدع حلق ايه ياجدعان فيه ايه قالو لي تعاله الدنيا مقلوبه ومدير المعدات ومدير الاداريه ومدير المهم لقيت كلمه مدير ومشرف كتير قوي قلت بس هما اكيد عرفو ان انا نمت من غير غدا زعلو واتلمو علشان ناكل لقمه مع بعض قلت لهم ثواني اجيب موبيلي وجاي معاكم دخلت اجيب الموبيل لقيت عليه يجي بتاع خمسين او ميه وخمسين رنه قلت لا ده الناس شكلها صرفه ومكلفه ولازم اكون سريع شويه احسن الاكل يكون برد وركبت العربيه ونزلت الموقع ده وبعدين ايه انزل لقيت حاويه كبيره واقفه وحواليها لمه قلت ايه معقول يكونو جايبين الاكل من بره مستورد يعني في الحاويه بس عقلي قالي قول يارب ميكونش سمك قلت له انتا اهبل سمك ايه بليل دي اكيد فراخ مشويهوبعد ماقربت لقيتهم بيقولو المخزن جه قلت لهم انا اللي جيت مش المخزن وحسيت انهم بيلعبو معيا الدنيئه وان العمليه مفيش فيها فراخ مشويه ولا حتي سمك مقلي قربت وبصيت في الحاويه لقيت حديد قلت اسئل اي حد من ولاد الحلاال اللي واقفين يمكن يدلني رحت سائل مدير المعدات قلت له هوه فيه ايه يابشمهندس راح قايل لي خير اللهم اجعله خير ان فيه تمانيه حاويه هيجيو لان فيه ونش برجي وهنستلمهم قلت له ده دلوقتي قالي اه انا اتصدمت قلت لحجاج وحجاج ده مشرف الورشه بس دمه زي العسل قلت له صاحبي فيها لحد امته راح مبشرني وقايلي فيها لتمانيه الصبح قلت الحمد لله اصل انا كنت شاي هم مين اللي يصحيني بكره الساعه تمانيه ومكنتش عارف اعمل ايه ودلوقتي انا موش هنام اصلا علشان اصحي المهم الطحن بدا والاستلام واضرب في كركديه بقي ياعم الحج وعلي الساعه تيجي تلاته صباحا راحو جابو لنا كل واحد سندوتشين كفته قتلناهم والحمد لله وعلي الساعه سته مكنش شرف غير خمس حاويات بس المهم نورنا كشاف اناره كبير زي اللي في الاستاد واتلمينا حوليه زي الناموس او الدبان لما بيبقي ملموم علي النور كده وده لان بدات اطرفنا تتجمد هوه كان نوره شديد جدا لكنه كان مخلي الدوونيا دافيه قوي المهم مدير المعدات قال لنا فركش ونتلم كمان ساعتين كده ولا حاجه قلت لهم انا موووووووووووووووووووووووافق الراجل مشكور وصلنا لحد الاماكن اللي هنام فيها وهووووووووب الساعه جت تمانيه ونص بسرعه ولقيت المدير بتاعي بيكلميني علشان الحاويه السادسه وصلت رحت استلمتها وفركش يومي علي كده وفضلت احلم بالاجازه قلت هزل نص الاسبوع علشان الموصلات ورخامه الموصلات واخترت يوم الاتنين وجه يوم السبت واشادو بشغلي وعملو لي مكافئه ماديه ومش هقول كام لاني الاهم عندي انهم قدروني ومش مهم الفلوس خلص السبت والاحد بقرفهم وهب الاتنين جه وخلص الاتنين استاذنت من مديري وقلت له انا مروح باي قالي متنساش تحلق علشان شكلك اتغير طلعت علي الطريق ولسه بشاور هوب عربيه وقفت ركبت نزلت الرمايه لقيت تباع بينادي وبيقول مرج واحد ويباختك يلي هتركب معنا رفعت له ايدي قال دور ياسطي وطلعنا والسولق دمه خفيف زي اي حد مصري وسريع كمان وقبل مسطرد بحبه هووووووووووووب الطريق واقف قلنا حادثه ولا حاجه وهيفتح دلوقتي ربع ساعه والعربيات بتكتر والطريق واقف نص ساعه والحال كما هوه عليه ساعه ولقيت الناس بتنزل من العربيات وبتمشي وبيقولو دي مظهره علي الدائري المسيحين عاملين مظاهره قلت مظاهره ليه قالو فيه كنيسه اتفجرت المهم قلت اسكت احسن انا مش عارف حاجه وممكن الناس تقول عليا عبيط فضلت اسمع من ده كلمه ومن ده كلمه لحد ماعرفت انه عمل ارهابي المهم زي اي شاب مصري نزلت ومشيت علي الدائري والدائري كان عامل زي سوق السبت بتاع بلدنا زحمه والعربيات فاضيه والناس ماشيه علي رجليها فضلت ماشي ماشي عديت مسطرد وهوب لقيت امن مركزي واطارات مشتعله في منتصف الطريق حلوه منتصف الطرق دي متقول الدائري منور بحريقه ياعم الحج المهم الامن المركزي عامل كردون علي مظاهرتين وسايبين الناس تتظاهر براحتها انا كنت ماشي وانا بتامل اللي بيحصل في كل حته شويه شباب جابو طوب وعملو عرضتين وبداو يلعبو كوره علي الدائر اه والله وعيل تاني بيقول للي جنبه ماتيجي نفتش العيال دي في الكوره وانا ماشي وبتامل علي الجنب التاني شباب بيلعبو بموتسكلات علي الدائري وبيلفو ورا بعض وبيعملو غرز وانا ماشي وهوووووووووووب لقيت واحد بيقول لصاحبه صور صور البيه ضاقت بيه الدنيا ومش لاقي خرابه بيعمل بيبي وصاحبه بيقول لهدي عمرها ماهتحصل تاني وبعد مسيره طويله لقيت عساكر امن مركزي ومش بيعدو حد انا خدت جنب وعملت عبيط وقلت اعدي قالي ممنوع يااستاذ بصيت له وقلت له طب ماهو فيه ناس وراك اهم دول عدو منين جالي ظابط وقالي عايز ايه قلت له انا رايح المرج ومفيش نزله هنا ومش عايز يعديني قالي عدي من الجنب ده وهوب لقيت بنت جت ورايا وبتقولي لو سمحت ممكن امشي مع حضرتك لحد المرج قلت لها انا رايح المرج قالت لي اه منا اخويا كان جاي لي بس الطريق مقفول ومش عارف يوصل وانا كمان مكنتش عارفه اعدي المهم مشينا انا وهيه افتكرت ابويا وقلت ممكن التلفزيون يكون نقل حاجه قلت اكلمه اطمنه هيه علي يميني وانا بكلم ابويا وسمعت صوت بيقول باروح بالدم نفديك ياصليب ومظاهره وضرب طوب خفيف مش زي اللي كان في نزله مسطرد المهم كلمت ابويا وفضلت ماشي لحد ما وصلت المرج اخوها كان مستنيها قالي شكرا قلت له العفو وسبته ومشيت والطريق كان مقفول برضه لحد موقف العاشر ودخلنا من دخله الشروق ووصلت بتنا بسلامه ومعلش علي السرعه في الحكايه ولو فيه اي اخطاء املائيه ابقو عدوها وبلاش رخامه ماشي
اشوفكم بعد يجي خمستاشر يوم ولا حاجه
اشوفكم بعد يجي خمستاشر يوم ولا حاجه